བཀའ་ཟུར་རྗེ་བཙུན་པདྨ་མཆོག་ལ་དབྱིན་ཡུལ་ནང་པའི་ཚོགས་པས་ཆེ་བསྟོད་ཀྱི་གཟེངས་རྟགས་འབུལ་བཞེས།

དེ་རིང་ The Buddhist Society ཞེས་དབྱིན་ཡུལ་ནང་པའི་ཚོགས་པས། ༸སྐུའི་གཅུང་མོ་གངས་ལྗོངས་བོད་ཀྱི་ཨ་མ་བཀའ་ཟུར་རྗེ་བཙུན་པདྨ་མཆོག་ལ་སྐུ་ཚེ་ཧྲིལ་པོ་བོད་མི་སྤྱི་དང་། ལྷག་པར་བོད་ཕྲུག་རྣམས་ལ་གནའ་གདེང་ཤེས་ཡོན་སྦྱོར་སྤྲོད་སོགས་ཀྱི་ཞབས་འདེགས་གཟེངས་སུ་ཐོན་པའི་མཛད་འཕྲིན་རླབས་ཆེན་བསྐྱངས་པར་ཆེ་བསྟོད་སླད། Christmas Humphreys Award ཞེས་པའི་གཟེངས་རྟགས་འབུལ་བཞེས་གནང་སོང་བ་དང་། སྐབས་དེར་ཨ་མ་རྗེ་བཙུན་པདྨ་མཆོག་གིས་བོད་ཕྲུག་ཁྱིམ་སྡེ་གཙོས་སྐུ་ཉིད་ཀྱི་ཕྱག་ལས་གང་གནང་བ་དག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་རྗེ་བཀྲིན་ལ་བརྟེན་ནས་བྱུང་བ་ཞིག་ཡིན་པ་ནན་བརྗོད་དང་འབྲེལ། བཙན་བྱོལ་བོད་མི་ཐོག་མཐའ་བར་གསུམ་ནས་ཕྱག་ལས་ཇི་འདྲ་ཞིག་གནང་རུང་སྤྱི་བ་མདུན་ལ་བཞག་རྒྱུ་གལ་ཆེ་ཡིན་པའི་ཞུ་སྐུལ་གནང་སོང་། དེ་ཡང་དེ་རིང་ཕྱི་ལོ་ ༢༠༢༦ ཕྱི་ཟླ་ ༡༠ ཚེས་ ༧ ཉིན་བཞུགས་སྒར་དུ་རྟེན་གཞི་བྱས་པའི་རྡ་སྟེང་བོད་ཁྱིམ་སློབ་གྲྭའི་ཚོགས་ཁང་དུ། སློབ་གྲྭའི་སློབ་མ་དང་དགེ་ལས་རྣམས་ཀྱིས་ཨ་མ་རྗེ་བཙུན་པདྨ་མཆོག་གི་སྐུ་ཚེ་ཧྲིལ་པོའི་ཕྱག་ལས་ལ་ཆེ་བསྟོད་ཀྱིས་གླུ་གཞས་ཁྲོད་གཟེངས་རྟགས་འབུལ་བཞེས་ཀྱི་མཛད་སྒོ་དེ་ཉིད་འཚོགས་ཡོད་པ་དང་། མཛད་སྒོའི་ཐོག་སྐུ་མགྲོན་གཙོ་བོར་ཨ་མ་རྗེ་བཙུན་པདྨ་མཆོག་དང་། དབྱིན་ཡུལ་ནང་པའི་ཚོགས་པའི་ཚོགས་གཙོ་ Dr. Desmond Biddulph ལགས་དང་ཁོང་གི་སྐུ་ཟླ། དེ་བཞིན་ཆེ་བསྟོད་སྐུ་མགྲོན་དུ་བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་དང་། བོད་མིའི་སྒྲིག་འཛུགས་ཀྱི་བདེ་སྲུང་བཀའ་བློན་ཀུན་དགའ་བཀྲ་ཤིས་མཆོག གཞན་ཡང་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཡེ་ཤེས་དབང་མོ་མཆོག་གི་དབུས་པའི་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་སྡེ་ཁག་གི་སྐུ་ཚབ་དང་བོད་ཁྱིམ་གྱི་དགེ་ལས་སློབ་མ་བཅས་དགའ་དད་སྤྲོ་གསུམ་སྒོ་ནས་ལྷན་ཞུགས་གནང་སོང་། Christmas Humphreys Award ཞེས་པའི་གཟེངས་རྟགས་དེ་ནི་ཕྱི་ལོ་ ༡༩༢༤ ལོར་དབྱིན་ཡུལ་ནང་པའི་ཚོགས་པ་དབུ་འཛུགས་གནང་མཁན་དབྱིན་ཡུལ་གྱི་ནང་པའི་མཁས་པ་ Christmas Humphreys ལགས་ཀྱིས་དབུ་འཛུགས་གནང་བ་ཞིག་ཡིན་ཞིང་། གཟེངས་རྟགས་དེ་ནི་གཙོ་བོ་ནང་ཆོས་ཀྱི་རྩ་བའི་བསླབ་བྱ་གཞི་ལ་བཞག་སྟེ་སྤྱི་ཚོགས་ལ་སྨིན་པའི་རླབས་ཆེན་མཛད་རྗེས་འཇོག་མཁན་རྣམས་ལ་ངོས་འཛིན་བྱེད་པའི་ཆེད་དུ་ཐོག་མར་གསར་གཏོད་གནང་བ་ཞིག་ཡིན་པ་རེད། དེ་རིང་གི་མཛད་སྒོའི་ཐོག་དབྱིན་ཡུལ་ནང་པའི་ཚོགས་པའི་ཚོགས་གཙོ་ Dr. Desmond Biddulph ལགས་ཀྱིས། བཀའ་ཟུར་རྗེ་བཙུན་པདྨ་མཆོག་ནི་སངས་རྒྱས་ཀྱི་ཆོས་ཀྱི་སྙིང་པོ་བྱམས་སྙིང་རྗེ་དང་ཤེས་རབ་ཀྱི་རང་གཟུགས་སུ་གྱུར་པ་ཞིག་ཡིན་པར་ཆེ་བསྟོད་དང་སྦྲགས། ཁོང་གི་སྐུ་ཚེ་ཧྲིལ་པོར་བྱམས་བརྩེ་དང་ལྷག་བསམ་སྒོ་ནས་བོད་པའི་བུ་ཕྲུག་རྣམས་ལ་གནའ་དེང་ཤེས་ཡོན་སྦྱོར་སྤྲོད་བརྒྱུད་བོད་མིའི་སྤྱི་ཚོགས་དང་ལྷག་པར་ནང་བསྟན་སྤྱི་ཚོགས་སྤྱི་ལ་ཞབས་ཞུ་རླབས་ཆེན་མཛད་པར་ཡིད་རང་བསྔགས་བརྗོད་གནང་སོང་། དེ་འབྲེལ༸སྐུའི་གཅུང་མོ་བཀའ་ཟུར་རྗེ་བཙུན་པདྨ་མཆོག་གིས། བོད་ཕྲུག་ཁྱིམ་སྡེ་གཙོས་སྐུ་ཉིད་ཀྱི་ཕྱག་ལས་གང་གནང་བ་དག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་རྗེ་བཀྲིན་ལ་བརྟེན་ནས་བྱུང་བ་ཞིག་ཡིན་པ་དྲན་སྐུལ་གནང་བ་དང་འབྲེལ། ༸གོང་ས་མཆོག་གི་དབུས་བོད་མིའི་མི་རབས་གོང་མའི་ཐུགས་རྗེ་བཀའ་དྲིན་ཉག་ཅིག་ལ་བརྟེན་ནས་བཙན་བྱོལ་བོད་མིའི་སྤྱི་ཚོགས་དེ་ཉིད་འཛམ་གླིང་ཁྲོད་ཀྱི་སྐྱབས་བཅོལ་བ་གཞན་དང་མི་འདྲ་བར་གནས་སྟངས་བཟང་ཤོས་དེ་ཆགས་ཡོད་སྟབས། ང་ཚོས་གནས་སྟངས་བཟང་ཤོས་དེ་ཇི་ལྟར་ཡིན་པ་ཕྱིར་བཏོན་རྒྱུའི་དུས་ལ་སླེབས་ཡོད་པ་མངོན་གསལ་གནང་བ་མ་ཟད། ད་ལྟའི་ཆར་བོད་ནང་གནས་སྟངས་ཛ་དྲག་ཏུ་འགྲོ་བཞིན་པའི་དུས་དེར་བཙན་བྱོལ་བོད་མི་ཐོག་མཐའ་བར་གསུམ་ངོས་ནས་ཐུགས་བསམ་ནན་པོ་བཞེས་ནས་ཕྱག་ལས་གནང་རྒྱུའི་དུས་ལ་སླེབས་ཡོད་ཅིང་། དེ་འབྲེལ་སྤྱི་ཚོགས་ནང་ཕྱག་ལས་ཇི་འདྲ་ཞིག་གནང་རུང་སྤྱི་བ་མདུན་ལ་གཞག་རྒྱུ་གལ་ཆེན་ཡིན་པ་གསུངས་སོང་། དེ་བཞིན་དེ་རིང་གི་མཛད་སྒོའི་ཐོག་བོད་མི་མང་སྤྱི་འཐུས་ཚོགས་གཙོ་བཀྲས་ཁང་སྒྲོལ་མ་ཚེ་རིང་མཆོག་གིས་ཁོང་རང་ཉིད་ནི་ཕྱི་ལོ་ ༡༩༦༠ […] The post བཀའ་ཟུར་རྗེ་བཙུན་པདྨ་མཆོག་ལ་དབྱིན་ཡུལ་ནང་པའི་ཚོགས་པས་ཆེ་བསྟོད་ཀྱི་གཟེངས་རྟགས་འབུལ་བཞེས། appeared first on vot.